香港內觀中心｜十日內觀靜坐體驗

香港內觀靜坐中心，又稱「法之明珠」嘅十日內觀課程聽咗好多年，而係一直都冇勇氣去報名。身邊有部分朋友參加過，都表示係個前所未有的體驗，甚至往後再會參加十日課程。

簡短內觀感受分享

本身有十年打坐經驗，有體驗過西方瑜伽式打坐、一般靜心式打坐、佛教禪修打坐。

先透露一下，最難熬的是第2及6日，最多學員在這兩天中途退出。雖說難熬，這兩天才是真正開啟內心枷鎖的重要關口，真正去察覺自己的情緒和故事。

其實當初抱住避世嘅心態入營，點知一入營義工就提示大家千萬唔好抱依個心態，因為這十日乜都避唔到，仲要一層層剝開洋蔥去發掘自我的旅程，極為充實！

最開心嘅係十日唔需要掂手提電話，依個世代冇咗部電話就冇咗人生，對上一次類似體驗係OUTWARD BOUND嘅8日營，當年對電話依賴度冇現在咁嚴重。唔駛用電話嘅好處係得閒無聊時，思緒唔會比媒體影響，讓心靜下，回歸自己（不過講真，依十日冇乜得閒嘅時間。。。。）

10日內觀後你問我答

• 依十日值唔值得去？
  • 其實係前後12日呀！！因為要早一日入營去準備，同埋十日完結後嘅下一日先走。絕對值得去體驗！因為冇辮法可以複製依個修行場景。
• 「禁語」辛唔辛苦？
  • 對我嚟講唔辛苦，因為本身個人好宅唔多鍾意講嘢。但有同修事後都表示禁語係個大挑戰，咁即係代表今次依個體驗係可以幫大家break pattern。
• 饍食如何？係咪要捱餓？
  • 場內只提供素食，所以對本身茹素的筆者完全冇影響。每日均有豐盛的早、午餐，晚餐是簡單的零食和能量飲品，對於每日只係坐，消耗能量不多，以上絕對足夠。第二次再參加內觀課程的話，晚餐的時段就不能進食，但可以飲飲品，一切都是為了有更好的身心去迎來轉變。
• 真係辛苦過返工？
  • 對筆者來說，根本唔辛苦！因為人生體驗過太多苦事，區區早起床、做家務根本唔算係乜。現場的導師、還有很多義工、飯堂的義工為我們準備好每日的美食補充能量。導師非常關顧學生，設有時段讓學生可以親自單對單去提問問題，當下為你剖析因由。而義工團隊更是比學員更早起床、更遲休息，一直standby去為學員提供最好的支持。對這個修行環境是由衷表示感恩，自己只是參與其中的被照顧者。
    
• 會唔會再去？
  • 應該會嘅，如果有一天再有勇氣的話。但確實這十天的體驗就無法再複製，因為內觀中心完善的配套，當然還有天時地利人和令自己能參與。如果自己在家中想修習的話，也需要極強的自律才可以。
• 出嚟係咪冇哂煩惱？
  • 唔係！出嚟先係挑戰。因為面對返日常鎖事、家人、工作、同事、炎熱天氣、街上人迫人….等等，反而更加要多練習內觀。
• 內觀完係咪好開心？
  • 其實就冇話開唔開心，但當下一定可以找到內心嘅平靜。最大改變係自己對情緒的控制（主要是憤怒），現在沒有以前咁易爆發脾氣，當然每個人的情緒點不一，依度要賣關子，詳情就需要大家入去體驗啦～
• 喺依十日達唔達到入營目標？
  • 完成課程嘅同修一致表示超乎預期，所以如果想將依個咁好嘅體驗分享比朋友，其實係唔可以講太多，洩露太多其實會令朋友減少自己發現的體驗。
• 最辛苦係乜？
  • 一啲自己習慣嘅毁減性program會出哂嚟，仲有要去面對一啲自己唔為意嘅生命缺口。但只需要運用課程的心法，就有效協助去面對和過渡。當然現場有同修出現情緒爆發，筆者都試過有一日大喊，因為某些陰影浮現出來，幸好在當天的問答時段立刻向導師尋求協助，讓一切順利轉化。

入內觀營必帶

今次入內觀營，記錯咗係八關齋戒嘅「不著香花鬘不香油塗身」，結果好多護膚品都冇帶。因為好多護膚品都係自己配方，有唔同嘅香氣，所以唔好意思帶，只帶咗冇香氣嘅龍血油，結果蠢咗……..

• 暖水樽（非常重要！！！！）
• 拖鞋（非常重要！！！）出入禪修房懶得成日著鞋除鞋動作慢
• 枕頭
• 床單
• 被（懶惰嘅筆者係帶咗個露營用嘅睡袋，咁就唔駛帶被和床單啦～～～～）
• 耳塞（如果咁啱有同房有鼻鼾，就係救命恩物）
• 驅蚊水（為人為己，請選氣味清淡的，筆者今次入營頭幾日未開悟都被身邊極難聞的蚊水影響心情）
• 日用護膚品（最簡單基本就足夠，當然我都見到有營友日日敷面……..）
• 自己用慣的簡單急救用品，如皮膚敏感、蚊叮蟲咬（今次幸好帶咗super-aid急救膏和龍血油，因為入營第一日就立即出濕疹。筆者係麻煩人，好易皮膚敏感，與場地無關，幸好有帶皮膚敏感急救品。）
• 濶腳長褲（打坐禪修時會自在些）
• 披肩（有時靜坐後會易感到寒冷，即使是夏天一定要帶）

邊段日子入內觀營最好？

個人認為初秋至初冬是最佳日子。

始終營地在大自然環境下，較多蚊蟲，春夏時間蚊蟲活躍，另一個角度來看是對個人的定力訓練，如果想提升對自己的挑戰，自然可選擇春夏。而且春天會潮濕，亦對不是人來講是大挑戰，夏日連續狂風大雨，每天濕濕冒著大雨進入禪修室都是一個訓練，當然如果遇上颱風或黑色暴雨又會出現怎樣的情況呢？！如果怕冷如筆者一樣，就建議避免冬天入營，因為郊外比巿區冷，當然入營所需攜帶的衣物也需要準備更多。

不過，每次女性報名人數都比男性多，經常都需要排進後補行列。所以其實有幸自己時間能配合，又剛好遇上內觀營有位置，已經是非常幸運，好感恩！ 所以就將天氣這個煩惱拋諸腦後吧。內觀營完結後，和同修傾談大家為何報內觀營，當中發現有同修報了5年都報不到。原因是自己有空時，營中又沒位置，都營中有位置時，家人又發生事情、工作又剛好安排出差，所以真是的天時、地利、人和缺一不可才能有幸參與。

甚麼是內觀？

「內觀」（Vipassana），意思是如其本然地觀察事物，它是印度最古老的靜坐方法之一。此技巧在超過兩千五百多年前重新被釋迦牟尼佛發現並將之傳授，以它做為普遍性的解藥，治療普遍性的痛苦，它就是生活的藝術。 此無宗教派別之分的技巧的目標是徹底根除內心所有不淨雜染，達到究竟解脫和最崇高的快樂。它的宗旨不是純粹治療身體上的疾病，而是從根本上治愈人類的痛苦。

內觀是通過自我觀察來達到自我轉化的方法。它專注在身與心之間的密切關聯，此身與心之間的密切關聯可以通過經過訓練的專注力直接體驗到，專注在那促成生命體、那持續不斷地聯繫及影響心之流的身體上的感受。也就是這種以觀察為基礎，深入身和心共同的根源處的自我探索旅程，得以消融心的不淨雜染，結果獲得一顆平衡的心，充滿著愛與慈悲。

那操作人類思想、情緒、判斷力和感受的科學原則因此變得清楚。通過直接體驗就會明白，一個人成長或退步的本質是什麼，他又如何產生痛苦或從痛苦中解脫的。生活的品質變得有較強的覺知力、沒有幻覺了、有自主力及心境安詳平靜。

內觀課程由葛印卡老師所教導, 遵循烏巴慶老師所傳授的方法。

香港內觀中心

「法之明珠」永久中心位於香港大嶼山東灣的倚翠河谷，碧山綠水環抱，毗鄰石壁水塘和東灣沙灘，距香港國際機場22公里，遠離鬧市繁囂但交通便利，寧恬環境是修習內觀的的理想地方。現時投入運作的首兩期設施可容納超過80名學員，全年舉辦十天內觀課程。

更多有關香港內觀中心的資料，請到 https://www.machuland.com/2023/10/05/vipassana-meditation-hk-review/

做個負責任的修行人

其實喺內觀中心入面係唔可以攝影，好多人為咗刷流量就照影放出嚟。對於其他想試修行嘅人嚟講係唔公平嘅，佢哋可能因為某啲相片影響咗決定。而且修行內容更加係不能夠分享，原因係避免妨礙到未體驗嘅朋友嘅自我發掘旅程